4个小生去旅行|原来四哥唔止掌掴曾江一次! 重温二人节目中温馨场面

为悼念曾江离世,无线于周六及周日两晚深夜重播《4个小生去旅行》。呢个旅游节目除咗喺宣传记招时,谢贤表示因为不满曾江拍摄节目期间「扮跛」同「阻收工」怒掴对方一事轰动全城,其实佢哋喺节目内都好有「火花」。

阅读全文 四哥喺节目宣传记招当众怒掴曾江成为经典(图片来源:新传媒资料库 ) 当日四哥表示忍咗曾江好耐(图片来源:新传媒资料库 )

四位小生游历俄罗斯揾命搏

节目于2015年中月首播,由曾江(Ken哥)、谢贤(四哥)、胡枫(修哥)及Joe Junior主持,带观众游历俄罗斯。圣巴索大教堂同国家历史博物馆呢啲咁基本嘅打卡点当然有去。四个小生加埋300岁有多,睇佢哋去培训太空人嘅星城,体验太空生活,四哥一试太空漫游;揸四驱越野车穿越森林沼泽;曾江同四哥公园溜老虎…等等,由佢哋去试呢啲非一般嘅行程,的确几有话题性!

拍摄期间,据讲四位都招来咗一点艳福(图片来源:无线电视截图) 四位中只有四哥可以一尝做太空人嘅感受(图片来源:无线电视截图) 四哥被指玩起上嚟,连个仔姓咩都唔记得(图片来源:优酷截图) 曾江因痛风发作需用拐杖辅助行走(图片来源:无线电视截图) 后来曾江又因身体问题,需坐轮椅继续拍摄工作,因此令四哥甚为不满(图片来源:无线电视截图) (图片来源:无线电视截图)

重温多幕火爆场面

四位小生相识多年,佢哋喺节目中寸嚟寸去,都成为咗另一个看点,最精彩一定系「火爆」嘅曾江同「搞事」嘅四哥互窒。四哥喺节目中其实已经掴过曾江一次;曾江就试过同修哥「屈」四哥有私生女。咪以为修哥好易话为,有一幕四哥抱怨修哥喺镜头前唔讲嘢,修哥即扯火反问系咪有机拍住就要讲嘢,仲即刻喺摄影师手上拎部机对住四哥,大声喝四哥要讲嘢,当堂大到四哥。

被四哥撩㷫嘅修哥即扯火还击(图片来源:无线电视截图) 曾江因流鼻血要卧床休息,同探病嘅四哥又互寸一番(图片来源:优酷截图) 四哥讲讲下突然掴曾江一下(图片来源:无线电视截图)

互窒中亦有爱嘅一面 曾江谢贤勾手指定盟誓

但个节目都有「好有爱」嘅一面,唔系成日咁有火爆。好似佢哋去祈福嘅地方,都会为互相祈求对方健康。四哥同曾江亦曾承诺他日边个先「瞓」咗(离世),就要「吻别」对方。咁有爱嘅表现,就如节目宣传片修哥所讲,四哥只系「唔熟唔食」,大家互窒可能只系节目效果,几位老戏骨都交足戏。

Ken哥四哥约定边个先「瞓」,健在𠮶个就要去「吻别」对方(图片来源:无线电视截图)

曾江生前曾想添食《4个小生去旅行》

日前修哥表示佢同Ken哥都想开拍第二季,可惜依家天人永隔,修哥亦好可惜少咗一个朋友。

节目曾传有意添食,但如今主持四缺一(图片来源:「4个小生去旅行-修哥开嘅」@FB)

添加回复:

◎欢迎参与讨论,请在这里发表您的看法、交流您的观点。